Njoftimi për shqiptarin e arratisur, edhe në ekranet e autobusëve

Udhëtarët në autobusët lokalë dhe në mjetet tjera të trafikut publik të Aargaut janë ndjerë të befasuar kur në ekranin në ballë të autobusit ku rëndom jepen njoftimet për orarin dhe të ngjashme, kanë parë fotografinë e Salih Sylbekës, 23 vjeçarit kosovar i cili pas plagosjes me thikë të bashkëshortes ditë më parë ka marrë arratinë.

Krahas fotografisë aty mund të lexohet “Kërkohet urgjentisht”. Policia e kërkon atë për veprën penale tentim vrasjeje me paramendim.

Siç e thotë një zëdhënës i policisë kantonale, nuk është kjo hera e parë që ekranet e autobusëve shfrytëzohen për njoftime të tilla. Kanë qenë në të kaluarën edhe dy raste të njoftimit të bërë në këtë mënyrë.

Njoftimi nëpër mjetet e trafikut publik do të mbahet edhe disa ditë. Sipas policisë, jehona e këtij veprimi te popullata nuk është dhe aq e madhe, shkruan aargauerzeitung.ch., duke iu referuar edhe një inserti nga sektori lokal i televizionit srf.

Autoritetet e sigurisë supozojnë se Sylbeka mund të jetë arratisur në vendlindjen e tij, në Kosovë./albinfo.ch/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).