Një lajm i mirë dhe një i keq për Alban Mehën

Alban Meha është dëmtuar e pritet që të mërkurën të kryejë një vizitë mjekësore për të përcaktuar shkallën e dëmtimit të tij.

Mesfushori i kombëtares shqiptare dhe i Konyasporit në Superligën turke, i cili po kalonte një formë shumë të mirë me ekipin tij, duket se është ndalur për pak, por shpresohet që dëmtimi i tij të jetë sa më i lehtë e të vijojë me paraqitjet e tij të mira në kampionatin turk, pasi kjo është edhe në dobi të kombëtares shqiptare.

Meha, është një nga lojtarët kryesorë të Konyaspor, teksa deri më tani ka shënuar 4 gola me ekipin turk ndërsa numëron edhe 7 asistime në 13 ndeshjet që ai është aktivizuar, transmeton sportal.al.

Shifrat e tij janë me të vërtetë mbresëlënëse, sidomos kur arrihen në një kampionat të fortë si kampionati turk ku luajnë lojtarë të kalibrit botëror si Robbin Van Persi apo Lucas Podolski.

Ai është zgjedhur në formacionin e javë në Turqi.