Nisma Socialdemokrate si alternativë

Nga Bekim Thaqi – Jo rastësisht e ka marrë emrin Nisma Socialdemokrate duke pranuar parimet socialdemokratike për një shoqëri me një drejtësi sociale dhe duke promovuar masat ekonomike në drejtim të kësaj, gjithmonë brenda kornizave të politikave liberal demokratike.

Nisma Socialdemokrate në zhvillimet e viteve të fundit në Kosovë, po merr karakterin e një partie serioze dhe shtetformuese, me qëllimet më të mira dhe të sinqerta, për të shtyrë proceset përpara, pa inatet politike dhe ndërskamcat tjera që shpeshherë i kemi pa në politiken kosovare edhe atëherë kur kemi pasë përpara interesat e përgjithshme të vendit. Në të gjitha rastet kur ka pasur dhe ka mundësinë, qoftë duke punuar në heshtje, qoftë aty ku të tjerët nuk kanë mundur apo dashur të veprojnë, Nisma Socialdemokrate paraqitet në frymën më pozitive dhe këtë opinioni kosovar e ka parë shpeshherë, në zgjidhjen e çështjeve të mëdha për vendin.

Nisma Socialdemokrate vazhdimisht kontribuon qoftë në Kuvendin e Kosovës me anë të vërejtjeve konstruktive dhe çuarjes së proceseve të rëndësishme përpara pa kurrfarë hezitimi , qoftë me anë të liderit të saj, i cili është zv.Kryeministër dhe ministrave që i ka në përbërje qeveritare.

Edhe pse vetë në qeveri Nisma Socialdemokrate ka ditur të kritikojë dukuri dhe procese negative në politikën dhe shoqërinë tonë. Me paraqitjet e saja konstruktive, Nisma Socialdemokrate edhe më parë por veçmas kohëve të fundit ka filluar të gëzojë një autoritet dhe të jetë shpresëdhënëse për shumë njerëz, të rinj dhe të reja se megjithatë gjërat po lëvizin kah e mbara dhe se mundësitë për të jetuar dhe vepruar në Kosovë do të përmirësohen gjithmonë kah e mira dhe duke ofruar një alternativë të re për votuesin kosovar.

Nisma socialdemokrate po krijon të gjitha parakushtet dhe energjinë për të përfaqësuar një forcë të qëndrueshme të popullatës në Kosovë, për një Kosovë të zhvilluar, të drejtë dhe pa barriera. Në këtë frymë ajo me të vërtetë paraqet një alternativë pozitive për ndryshime në të mirë dhe për dërgimin e Kosovës përpara në të gjitha proceset si ato politike , ashtu edhe ekonomiko sociale ./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).