Nga një muaj paraburgim tre “bosëve” të marihuanës

Gjilan – Gjykatësi i procedurës paraprake në Gjykatën Themelore në Gjilan i ka caktuar masën e paraburgimit prej një muaji tre të dyshuarve Ekrem Sejdiu (1991), Naser Kryeziu (1979) dhe Musa Avdija (1990) që të tre nga Hajvalia. Ata dyshohen për veprën penale “blerja , posedimi, shpërndarja dhe shitja e substancave narkotike”, transmeton rajonipress.

Gjykata Themelore në Gjilan u ka caktuar masën e paraburgimit prej një muaji tre të dyshuarve nga Hajvalia të cilët dy ditë më parë u kapën me 10 kg heroinë gjatë një operacioni të njësitit antidrogë të koduar “Rolex”.

Gjykatësi i procedurës paraprake , departamenti i krimeve të rënda në Gjykatën Themelore të Gjilanit , Sahit Borovci konfirmoj për rajonipress se u ka caktuar masën e paraburgimit prej një muaji tre të dyshuarve Ekrem Sejdiu (1991), Naser Kryeziu (1979) dhe Musa Avdija (1990) që të tre nga Hajvalia. Ata dyshohen për veprën penale “blerja , posedimi, shpërndarja dhe shitja e substancave të paautorizuar narkotike – psikotrope”.

Sipas Borovcit , Naser Kryeziu akuzohet edhe për armëmbajtje pa leje. Ata e kanë mohuar veprën penale derisa nga hetimet e para të policisë dhe prokurorisë është mësuar se sasia prej 10 kg marihuanë destinacion kishte tregun e rajonit të Anamoravës.

Ndryshe hetuesit e trafikimit me narkotikë kishin kapur këtë grup derisa e kishin kontrolluar një veturë të llojit Mercedes ku në bagazhin e kësaj veture kishte gjetur dy thasë me substancë narkotike e dyshuar e llojit marihuana. “Në brendësi të secilit thes ka pasur nga pesë paketime me substancë narkotike e dyshuar e llojit marihuana”.

Në këtë operacion, policia ka sekuestruar si dëshmi, një revole e llojit Zastava, një karikator me 10 fishek të kalibrit 9 x19 mm , 2.405.80 euro, dy vetura dhe pesë telefona celular./rajonipress/