Neziraj pret shkëlqim edhe në skuadrën e parë

Mesfushori kosovar, Haxhi Neziraj, është cilësuar si zbulimi te Luzerni, sipas mediave zvicerane. 20-vjeçari ka qenë pjesë e skuadrës së dytë ndërsa në dy ndeshjet e fundit ka luajtur për atë të parën, duke arritur të shënoj edhe një gol. Paraqitjet e tij të mira me skuadrën zvicerane nuk kanë shkuar huq, pasi i ka vënë re edhe Federata e Futbollit të Shqipërisë, duke u ftuar lojtarin në Kombëtaren e Shqipërisë për grupmoshat nën 21vjet.

Në një intervistë për Tribuna, Neziraj ka treguar për emocionet që kishte pasi është ftuar në Kombëtare, duke theksuar se ndihet shumë krenar me këtë gjë. “Të jesh pjesë e Kombëtares së Shqipërisë është një ndjenjë shumë e mirë. Jam krenarë që jam pjesë e Shqipërisë U21, ndërsa shpresoj që t’i ndihmojë vendit tim në çdo ndeshje që do ta zhvillojmë.

Synimi im është që një ditë të jem pjesë e Përfaqësueses A, mirëpo këtë do t’ia lëmë të ardhmes, ku shpresoj të vazhdoj me formë të mirë”, tha Neziraj.

Tutje, lojtari ka folur edhe për skuadrën e tij Luzern, ku që nga sezoni i ardhshëm do të jetë pjesë e skuadrës së parë, pasi në atë të dytën tanimë është treguar mjaftë i suksesshëm.(Tribuna)