Në zgjedhje të reja me premtime të vjetra

Liderët e partive politike në vend gjatë tubimeve zgjedhore po japin premtime të vjetra që sipas tyre do të realizohen nëse arrijnë të fitojnë në zgjedhjet e parakohshme që do të mbahen më 11 qershor të këtij viti, shkruan sot Gazeta “Zëri”.

Dy koalicionet e mëdha dhe lëvizja “Vetëvendosje” pothuajse kanë shpalosur pikat kryesore të programit të tyre.

Por, edhe këto zgjedhje të reja politikanet i kanë zënë me premtime të vjetra, të cilat sikur kopjohen nga programet e viteve të kaluara, pa menduar për zgjidhje konkrete.

Deri më tani janë dhënë premtime të mëdha me strategji sipërfaqësore.

Një gjë të tillë e pohojnë edhe njohësit e çështjeve politike, të cilët thonë se partitë politike po fokusohen në tema populiste me të cilat do t’i arrinin lehtë votat dhe nuk po japin një program konkret për zhvillim të vendit.