Në Qeveri gjithkush blen për qejf të vetin

Nafta është vetëm një nga produktet që asnjë institucion nuk e blen me të njëjtin çmim. Janë mbi 200 autoritete kontraktuese që furnizohen, e paguajnë çmime të ndryshme për produkte të njëjta.

Kjo pasi që secili autoritet kontraktues për dëshirën e vet zhvillon procedurat e prokurimit për furnizim me naftë, ujë, letër apo produkte tjera të ngjashme veç e veç, edhe pse Ligji i Prokurimit Publik (LPP) u mundëson atyre që për shërbime të përbashkëta mund të furnizohen me çmime të njëjta, përmes vetëm një tenderi nga Agjencia Qendrore e Prokurimit (AQP).

Megjithatë institucionet nuk e kanë bërë asnjëherë një gjë të tillë që do të mund të kursehej buxheti i shtetit me miliona euro.

Zyrtarë brenda AQP-së kanë bërë të ditur për Tribuna se sivjet për herë të parë po tentojnë të shkojnë me një tender të përbashkët për furnizim me naftë, por edhe këtë herë nuk do t’i bashkohen të gjitha institucionet. Vetëm 30 institucione i janë përgjigjur pozitivisht kërkesës së AQP-së për blerje të përbashkët të naftës…(Tribuna).

Shpërndaje.
© RAJONIPRESS