Në Parallovë të shtëna me armë zjarri, në Gjilan e Viti arrestime

Gjilan – Në dy ditët e fundit policia e Kosovës në rajonin e Anamoravës ka konfiskuar shtatë gëzhoja armësh në Parallovë, derisa në Gjilan e Viti ka arrestuar personat e kërkuar nga Gjykata të cilët menjëherë janë dërguar në burgun e Lipjanit në vuajtje të dënimit.

Në fshatin Parallovë të Gjilanit ankuesi mashkull shqiptar njofton se persona të panjohur kanë shtënë me armë zjarri afër shtëpisë së tij. Policia ka shkuar në vendin e ngjarjes dhe gjatë kontrollimit janë gjetur shtatë gëzhoja të kalibrit 7.62 mm të cilat janë konfiskuar si provë materiale dhe rasti është duke u hetuar.

Kurse në Gjilan në bazë të urdhëresave të lëshuara nga Gjykata Themelore në Gjilan janë arrestuar dy të dyshuar meshkuj shqiptar të cilët më pas janë dërguar në vuajtje të dënimit në burgun e Dubravës, respektivisht në burgun e Lipjanit.

Edhe në rrugën “Adem Jashari” në Viti në bazë të urdhëresave të lëshuara nga Gjykata Themelore në Viti , është arrestuar një mashkull shqiptar dhe i njëjti është dërguar në vuajtje të dënimit në burgun e Lipjanit./rajonipress/