Në Lubishtë të Vitisë ka filluar krasitja dhe pastrimi i kulturave pyjore

Viti – Në fshatin Lubishtë të Vitisë në fillim të këtij muaji ka filluar krasitja dhe pastrimi i kulturave Pyjore ku për këtë punë janë të angazhuar nëpërmjet Zyrës Komunale të Punësimit 15 punëtor.

Sipas përfaqësuesve të Drejtorisë për Bujqësi, Pylltari dhe Zhvillim Rural gjatë kësaj faze parashihen të krasitën dhe pastrohen rreth 25 ha të kulturave pyjore të cilat janë mbjellë në vitin 2006.

Kjo punë u bë e mundur falë një marrëveshje të bashkëpunimit në mes të Agjensionit Pyjor të Kosovës dhe Ministrisë për Punë dhe Mirëqenie Sociale të Republikës së Kosovës e cila është edhe financuese e këtij projekti.

Ndërkaq faza e krasitjes dhe pastrimit do të vazhdoj deri në fund të muajit Gusht të këtij viti. Veton Ademi, Drejtor për Bujqësi, Pylltari dhe Zhvillim Rural i shoqëruar edhe nga Udhëheqësi i Zyrës Komunale të Punësimit, Isuf Behluli kanë vizituar për së afërmi punën që janë duke e bërë këta 15 punëtor në krasitjen dhe pastrimin e këtyre kulturave Pyjore./rajonipress/