Në institucione mungojnë pajisjet për mbrojtje nga zjarri

Gjilan – Sipas Shaban Eminit qëllimi i “Vatrës” është që në të gjitha shkollat fillore të ketë një orë mësimi për situatat emergjente ku do të trajnoheshin nxënësit për reagime në rastet emergjente. Ai u shpreh se në shume institucione të komunës ka mangësi në pajisjet për mbrojtjen nga zjarri.

Komisioni për shpëtim i Lëvizjes Vatra mbajti një Konference për media.

Shaban Emini nga komisioni për mbrojtje dhe shpëtim në lëvizjen Vatra, në një konferencë për media ka thëne se të gjitha drejtoritë janë me rendësi , por drejtoria për mbrojtje dhe shpëtim është me e rëndësishmja nga të gjitha, pasi ka të bëjë me mbrojtjen dhe shpëtimin e jetës se qytetarëve.

Emini ka thënë se duhet të formohen grupacione me vullnetarë në qytet dhe në fshatra e ku qytetarët do të trajnohen që në rast rreziku të japin ndihmën e tyre dhe të mos presin vetëm çfarë bënë drejtoria dhe institucionet.

Emini është ndalur të punësimet në staf të kësaj drejtorie në Gjilan dhe me theks të veçante te zjarrfikësit duke thëne se mosha për pranimin në punë në këtë sektor është deri në 30 vjeç kurse drejtoria punëson edhe 40-vjeçare, dhe atë të papërvoje dhe trajnohen pas fillimit të punës.

Sipas Shaban Eminit qëllimi i “Vatrës” është që në të gjitha shkollat fillore të ketë një orë mësimi për situatat emergjente ku do të trajnoheshin nxënësit për reagime në rastet emergjente.

Ai u shpreh se në shume institucione të komunës ka mangësi në pajisjet për mbrojtjen nga zjarri./rajonipress/

Shpërndaje.
© RAJONIPRESS