Në Gushicë të Vitisë filluan punimet në ndërtimin e Ambulantes së Mjekësisë Familjare

Viti – Të premtën në Gushicë të Vitisë, kanë filluar punimet në ndërtimin e objektit të ri të Ambulantes së Mjekësisë Familjare. Në ceremoninë e vendosjes së gurthemelit të këtij objekti kanë marrë pjesë Kryetari i komunës së Vitisë, Sokol Haliti me bashkëpunëtor si dhe Shaqir Shaqiri, drejtor i shoqatës “Kuëait Society for Relief”, pasi që ky objekt po ndërtohet në kuadër të bashkëpunimit dhe bashkëfinancimit të komunës me këtë shoqatë.

Haliti gjatë këtij takimi ka falënderuar shoqatën “Kuëait Society for Relief” për bashkëpunimin me komunën e Vitisë, por edhe popullin Kuvajtian dhe donatorët e kësaj shoqate që po mundësojnë realizimin e këtij projekti të rëndësishëm.

Gjithashtu një fjalë rasti ka mbajtur edhe drejtori i shoqatës “Kuëait Society for Relief”, Shaqir Shaqiri.

Përndryshe banorët e këtij lokaliteti kanë mirëpritur fillimin e punimeve në ndërtimin e këtij objekti shëndetësore, duke e cilësuar atë si shumë të nevojshme.

Në ceremoninë e fillimit të punimeve kanë marrë pjesë edhe Merrushe Ahmeti, Drejtoresh për Shëndetësi dhe Mirëqenie Sociale si dhe Vjollca Kadolli-Halili, Drejtoresh e QKMF-së në Viti si dhe të tjerë.

Ndërkaq me pas kryetari Haliti me bashkëpunëtor ka vizituar edhe QKMF-në në Viti, ku po zhvillohen punime në renovimi i të gjitha reparteve, kulmit si dhe renovime të tjera./rajonipress/