Në Gjilan shënohen rastet e para me Coronavirus, njëri është nga Zhegra e tjetri nga Vrapçiqi

Gjilan – Sipas Arbër Ismajlit fatkeqësisht, janë identifikuar edhe dy raste të prekura me COVID19, në komunën e Gjilanit. Personat në fjalë janë njëri nga Zhegra, ndërsa tjetra është nga Vrapçiqi, por që jeton në Ferizaj, e ardhur para disa ditësh nga Gjermania.

Ismajli ka thënë se Ekipa Operative është në gjendje emergjente, ku janë ndërmarrë të gjitha masat e parandalimit dhe shtimit të kujdesit më të madh për mospërhapje.
“Jemi në kontakte të vazhdueshme me institucionet relevante, për ta tejkaluar këtë gjendje, që tanimë, fatkeqësisht, po përballet edhe Komuna e Gjilanit. Bëjë apel të vazhdueshëm, që të rrisni kujdesin, për vetë-izolim dhe mos tentoni të frekuentoni ambiente e vende të ndryshme. Është pandemi e rrezikshme, që duhet ndalur, e jo, t’i japim kahje e mundësi për tu rritur. Bëni kurajo e durim, në mënyrë të përbashkët që të mundohemi ta luftojmë këtë pandemi. Bashkë ja dalim” ka shkruar Arbër Ismajli.

Rastin e ka konfirmuar edhe Instituti i Shëndetit Publik i cili në njoftimin e saj ka thënë se dy rastet pozitive janë raste me vendbanim nga Gjilani, njeri i gjinisë mashkullore me moshë 20 vjeç dhe tjetra e gjinisë femërore e moshës 36 vjeç./rajonipress/