Në Gjilan konfiskohen mbi 4 kilogramë substancë narkotike

Gjilan – Policia e Kosovës, konkretisht Drejtoria për Hetimin e Trafikimit me Narkotikë, njësia në Gjilan, në punën e vazhdueshme për luftimin e veprave penale ka konfiskuar mbi katër kilogramë substanca narkotike, si dhe ka bërë arrestimin e dy personave të dyshuar njoftoj policia e Kosovës.

Me autorizimin e gjykatës kompetente mbrëmë (21.1.2014) rreth orës 18:00, hetuesit policorë kanë realizuar operacionin e koduar “Vjeshta”, operacion ky që ka rezultuar me arrestimin e dy personave të dyshuar për posedim të paautorizuar të substancave psikotrope, si dhe sekuestrimin e gjashtë paketimeve me substancë narkotike, e dyshuar të jetë e llojit marihuanë.

Pasi është bërë matja e substancës narkotike ka rezultuar të peshojë 4.917 gramë (katër kg e nëntëqind e shtatëmbëdhjetë gramë), substancë narkotike të llojit
marihuanë.

I tërë operacioni është zhvilluar nën mbikëqyrjen e prokurorit të shtetit. Lidhur me rastin janë sekuestruar si dëshmi: një veturë e llojit Opel Astra, gjashtë paketime me substancë narkotike, dy telefona celularë.

Me vendim të prokurorit personave të dyshuar u është shqiptuar masa e ndalimit policor për 48 orë./rajonipress/