“Në fushë jam shqiptar, në jetë zviceran”, Xherdan Shaqiri flet për mentalitetin e tij

Ylli i Baselit, Xherdan Shaqiri ka treguar së fundmi se karakteri i tij është i kombinuar mes atij shqiptar dhe zviceran.

Shaqiri ka folur për mediumin ‘blu Sport’ për fëmijërinë e tij të vështirë, luksin e mëvonshëm, popullaritetin dhe ëndrrën e tij më të madhe: të fitojë trofeun me Baselin.

Megjithatë, ajo çfarë na intereson nga kjo intervistë ishte përgjigja e tij në pyetjen se a ka më shumë karakter zviceran apo shqiptar.

“Në fushë, padyshim shqiptari i pasionuar – me emocione. Megjithatë, në jetën e përditshme jam shumë zviceran: i përpiktë, i besueshëm”.

“Mendoj se i kombinoj të dyja mentalitetet”, ka thënë Shaqiri për mediumin zviceran.

Ndryshe, Shaqiri është duke përjetuar një edicion të përkryer me Baselin, pasi ka 16 gola dhe 18 asistime nga 32 ndeshje. /Telegrafi/