Ndotja e lumit “Morava” nga mbeturinat, shqetësuese për qytetarët vitias

Viti – Hedhja e mbeturinave inerte në dy anët e lumit Morava, është kthyer në një shqetësim që vijon prej vitesh. U bë një kohë e gjatë që mbetjet janë prezentë buzë lumit Morava, gjë e cila është një problem shqetësues për banorët e kësaj ane, por tashmë ky fenomen është duke u bërë një problem serioz për ta thuhet në reagimin e EVSB-së në Viti.

Reagimi i plotë:

EVSB: Hedhja e mbeturinave në dy anët e lumit Morava, është bërë tejet shqetësuese për banorët e kësaj ane, pamjet në këtë pjesë fillojnë nga: Lumi Morava vendi: Stacioni i Autobusëve e deri në drejtimin ku është rruga pa dalje: Azem e Shote Galica, e vazhdon t’utje!

Hedhja e mbeturinave inerte në dy anët e lumit Morava, është kthyer në një shqetësim që vijon prej vitesh. U bë një kohë e gjatë që mbetjet janë prezentë buzë lumit Morava, gjë e cila është një problem shqetësues për banorët e kësaj ane, por tashmë ky fenomen është duke u bërë një problem serioz për ta.

Ndërkohë, nga ana tjetër, pjesa më e madhe e mbetjeve përfundojnë në shtratin e lumit Morava, i cili kalon aty duke u ndotur gjatë gjithë vitit. Gjithashtu veprime të tilla tregojnë një mungesë respekti total për familjet e tyre.

Në këtë pjesë të lumit Morava, jetojnë një numër i konsiderueshëm familjesh, të cilat janë të detyruara të përballen çdo ditë me këtë pamje e cila lë shumë për të dëshiruar.

Lumi Morava, vazhdon prej vitesh të ndotet nga hedhja e mbeturinave, inerteve, duke dëmtuar ekosistemin natyror, si dhe vet jetën e banorëve.

EVSB, kjo pasuri natyrore e qytetit duhet të ruhet çdo here nga ndotjet, hudhja e mbeturinave inerte etj.
Andaj institucionet përgjegjëse duhet të marrin masat e nevojshme për të parandaluar një fenomen të tillë.

EVSB, falënderon qytetarët për bashkëpunim.
Koordinatori i EVSB-së, për komunën e Vitisë;
Imri Emërllahu.