Ndoshta kandidat për kryeministër

Presidenti i AKR-së, Behgjet Pacolli, nuk e ka hedhur poshtë mundësinë për të qenë pjesë e garës së sivjetme për postin e kryeministër.

Por, ai ka thënë se për këtë çështje vendos Këshilli Drejtues i partisë.

“Nuk është tërësisht në vullnetin tim çështja e kandidimit apo jo për postin e kryeministrit. Kjo është një çështje për të cilën do të vendosë Këshilli Drejtues i partisë. Asnjëherë nuk kam dal kundër këtij vullneti. U takon organeve të partisë të vendosin për këtë çështje”, ka deklaruar Pacolli, duke shtuar se AKR-ja është e gatshme dhe ka kapacitete ta udhëheqë qeverinë e ardhshme, transmeton epoka e re.

“AKR-ja është e gatshme t’i drejtojë një mori procesesh nga pozita e të parit të ekzekutivit”, ka thënë Pacolli.