Ndarja që po shihet si realitet

Nga Muhamet Kelmendi – Nga veprimet e fundit, si nga politikanët e vendit dhe veprimet e ndryshme, ashtu edhe nga vetë puna dhe vendosja e KFOR-t në vende të ndryshme në veri, për mua është bërë e qartë kuptohet ndarja e Kosovës. Z. Thaçi në vazhdimësi në javën e kaluar doli para mjeteve të informimit.

Nëpër to bëri lloj-lloj shpjegimesh dhe dha lloj-lloj kërkesash. Nëpërmjet kësaj z. Thaçi bëri një tekst në popull dhe në skenën politike mbi variantet e ndryshme të marrëveshjes përfundimtare me shtetin serb. Njëherë ishte për ndarje duke aluduar, doli kundër saj, më vonë edhe kundër autonomisë serbe dhe në fund doli kërkesa që Lugina e Preshevës t’i bashkëngjitet Kosovës. Ky ishte një testim i opinionit, të politikanëve dhe të pushtetit në vend, lidhur me të ardhmen e vendit. Në anën tjetër, serbët u larguan nga shpallja e autonomisë më datën 5 gusht, sikundër deklaruan.

Shkaqet janë te thjeshta. Ata e dinë se si do të zhvillohen punët dhe çka do të rezultojë. Në fund është veprimi i KFOR-t. Ai u vendos në dy pjesë të veriut. Në Ujman (Gazivodë) u vendosën forcat amerikane, ndërsa në pjesën tjetër të veriut, në Mitrovicë deri në Leposaviq, u vendosën forcat ushtarake franceze. Me ndarjen e tillë të vendosjes së forcave, në njërën anë dhe, në anën tjetër, lojërat e Thaçit me bisedime, jep për të kuptuar se një vendim i dakorduar nga Thaçi dhe Vuçiq është arritur. Ku do të jetë kufiri është vështirë të dihet.

Aludimet ma thonë se Ujmani do t’i mbetet Kosovës, pse ushtria amerikane u vendos aty, ndërsa Mitrovica e veriut, Stari Tergu dhe Leposaviçi do t’i takojnë Serbisë, pse forcat franceze u vendosën në pjesën e tillë. Në konglomerat mbeten Presheva dhe Bujanovci. Z. Thaçi i di faktet e tilla. Punën po përpiqet ta bëjë në drejtim të kapjes se masave pas vetit. Ndarja është gjë e kryer. Ai po luan lojën tash të Preshevës dhe të Bujanovcit, si dhe të Medvegjës. Sa do të arrijë ta bëjë këtë duket gjë shumë e parealizueshme. Dua të them se vendimet janë marrë. Tereni është siguruar. Këtu është loja e z. Thaçi.

Po vlerësohet gjendja e masave. Po ashtu dua të deklaroj se z. Thaçi e di edhe pozitën e enklavave serbe. Ai e di qëndrimin dhe vendimet që janë marrë dhe ai i ka pranuara ato. I takon z. Thaçi të deklarohet.

(Kosova Sot)

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).