Ndalet Drita, barazon me Lirinë

Skuadra e Dritës është befasuar nga Liria në ndeshjen e zhvilluar në Gjilan, duke luajtur me rezultat të barabartë 1:1, në ndeshjen e javës se 11-të në Superligën e Kosovës në futboll.

Drita kishte një seri prej 5 fitoreve, ndërsa përsëri mbetet pa humbje në këtë stinorë. “Intelektualët” e filluan mire ndeshjen duke kaluar në epërsi në minutën e tretë.

Golashënues ishte mbrojtësi, Besnik Krasniqi.

Drita kishte më shumë nga loja, dhe kur nuk shënon atëherë pëson.

Në minutën e 73-të, pas një kundërsulmi, mysafirët arritën të barazojnë me golin e shënuar nga Prins Tijueza, i cili doli të jetë goli vendimtar në këtë ndeshje./rajonipress/