Ndahen pikët në rrebesh gola e kartona

Gjilan – Ndeshja e javës së 15 Raiffeisen Superliga e Kosovës në futboll në mes Dritës dhe Llapit përfundoi me rezultat të barabartë 2-2. Në fillim të ndeshjes u mbajt një minutë heshtje për viktimat e rëna në Francë.

Futbollistët e Dritës në fillim të ndeshjes treguan se në këtë ndeshje do të bëjnë një paraqitje të mirë çka edhe u dëshmua.

Në minutën e 5 Arbnor Ramadani për pak sa nuk shënon ai godet shtyllën pingule të majtë të portierit mysafir Afrim Ademi nga 10 metra.

Loja dominuese e Dritës erdhi në shprehje në minutën e 26 kur festim Krasniqi depërton nga ana e djathtë bukur gjenë Alban Shillovën i cili nuk e patë vështirë nga 3-4 metra i vetmuar ta gjen rrjetën e mysafirëve duke sjellë
skuadrën e tij në epërsi në 1-0.

Mysafirët të vetmin rast të mirë në pjesën e parë e patën në minutën e 40 kur Alban Mavriqi pasi shmang dy mbrojtës të Dritës bukur gjuan nga 16 metra por edhe më bukur intervenon portieri i Dritës Artan Latifi duke shpëtuar rrjetën e tij.

Një tempo të mirë të lojës futbollistët e Dritës e vazhdojnë edhe në pjesën e dytë në minutën e 48 Festim Krasniqi pasi kalon dy futbollist mysafir me një gjuajtje precize nga 10 metra gjen portën e Llapit duke ngritur epërsinë në 2-0.

Futbollistët e Dritës u vetëkënaqën me këtë rezultat duke ju hakmarrë futbollistët e Llapit.
Në minutën e 65 Enis Zabërxha depërton nga ana e djathtë harkon më së miri gjendet Besnik Ibishi i cili zëvendësoi bashkëlojtarin e tij Kushtrim Shabanaj nga 10 metra gjen rrjetën e Latifit duke zvogëluar epërsinë e skuadrës së tij në 2-1.

Pesë minuta para përfundimit të ndeshjes në minutën e 85 mbrojtja e Dritës bie në gjumë në tollovin e krijuar më së miri gjendet Alban Mavriqi i cili nga 7-8metra barazon rezultatin në 2-2duke e shpëtuar një pikë nga ky ballafaqim për skuadrën e tij.

Në minutën e 90 Alban Shillova i Dritës ndëshkohet me karton të kuqë pas një ndërhyrje të palejuar

Të njëjtin fat e patë edhe futbollisti i Llapit Egzon Sinani dy minuta më vonë pas një ndërhyrje të palejuar.

Në pesë minutat e fundit tifozët e Dritës ‘Intelektualët’ në shenjë të pakënaqësisë së rezultatit braktisën stadiumin.

Stadiumi i qytetit në Gjilan

Shikues: rreth 700
Gjyqëta: Vulaj, Këpuska, Hyseni, Cerroviku

Kartona të verdhë : Kastrati, Ajdari, Krasniqi (D),Namoni, Ibishi, Zabëexha (LL)
Kartona të kuqë : Shillova (D), Sinani (LL)
Gola shënues :Shillova 26, F.Krasniqi 48(D) Ibishi 65, Mavriqi 85 (LL)

Drita: Latifi, Hashani, Cakaj, Kastrati (Zendeli), Qekini, Limani, A. Ramadani (Ajdari), Y.Ramadani
F.Krasniqi, E.Krasniqi(Guraziu), Shillova.

Llapi: Ademi, Jashari, Sinani, Kadriu, Blakqori, Namoni, Zogiani, Shabanaj (Ibishi),Mavriqi(Neziri)

Emini (Billalli), Zabërxha./rajonipress/