Nacionalizmi dhe korrupsioni, rrezikues të stabilitetit në Kosovë

E ardhmja e shqiptarëve është Europa, por për të arritur deri në Europë ata duhet të heqin dorë nga nacionalizmi dhe korrupsioni. Nacionalizmi dhe korrupsioni janë rreziku më i madh ndaj stabilitetit dhe zhvillimit të Kosovës dhe Shqipërisë. Kështu mendon Paul Lendvai, gazetar dhe publicist austriak, i lindur në Hungari në një familje hebreje.

“Mendoj se e ardhmja e Kosovës është Europa, ku kufijtë do të bëhen gjithnjë e më të parëndësishëm. Mendoj se e ardhmja e Kosovës është si shtet i pavarur, që udhëhiqet nga populli i saj, me marrëdhënie të mira me Shqipërinë dhe shtetet tjera ku jetojnë shqiptarët”, tha ai në ligjëratën e tij me titull “Kombet në Europë mes nacionalizmit dhe europeizimit, me një vështrim të veçantë mbi kombet e vogla”, të mbajtur të mërkurën në amfiteatrin e Bibliotekës Kombëtare dhe Universitare.

Ai tha se nuk është hera e parë që e viziton Kosovën. Lendvai tregoi se Kosovën e ka vizituar para rreth gjysmë shekulli më parë…(Tribuna).