Mustafa takon disa grupe të qytetarëve

Gjilan – Mustafa ka bërë thirrje para tyre edhe njëherë që të votojnë ekipin fitues të bashkëqeverisjes për mandatin e ardhshëm katër vjeçare, ngase PDK është dëshmuar për qeverisje në nivelin lokal dhe atë qendror. ai ka thënë se PDK mbetet e përkushtuar për zhvillim të vendit, Komunës dhe jetës më të mirë për qytetarët tanë.

Qemajl Mustafa, është takuar me një grup të qytetarëve nga nëndega XVI, XVII dhe XIV, të qytetit.

Mustafa ka bërë thirrje para tyre edhe njëherë që të votojnë ekipin fitues të bashkëqeverisjes për mandatin e ardhshëm katër vjeçare, ngase PDK është dëshmuar për qeverisje në nivelin lokal dhe atë qendror. ai ka thënë se PDK mbetet e përkushtuar për zhvillim të vendit, Komunës dhe jetës më të mirë për qytetarët tanë.

“Ne dhe ju bashkërisht, do të vazhdojmë me investime në gjithë hapësirën e Komunës pa dallime. Ne deri sot kemi dëshmuar se ishim të të gjithëve, nuk kemi bërë dallime partiake e farefisnore, ne kemi qeverisur njëjtë për të gjithë dhe besimin që do ë ma jepni në këtë mandat katër vjeçar, është besim për të vazhduar qeverisjen komunale për zhvillim dhe jetë më të mirë për të gjithë”.

Mustafa ka shtuar se bashkë do të ecim përpara të dinjitetshëm për Gjilanin. “Ne kemi listën më të mirë edhe të kandidatëve për këshilltar komunal, ndaj dilni dhe votoni për të ardhmen tuaj, për të ardhmen e familjeve tuaja, për nxënësit, studentet dhe të rinjtë e shumtë Gjilanas, për të mirën e sportit, të kulturës, të bujqësisë dhe për të mirën e zhvillimit ekonomik”.

Të pranishmit kanë thënë se kanë zgjedhur Qemajl Mustafen ta mbështesin atë edhe për mandatin e ardhshëm katër vjeçar, ngase për ata si grup është kryetari më i mirë që kishte Gjilani deri më tani dhe që do ta ketë edhe në të ardhmen thuhet në njoftimin e degës së PDK-së./rajonipress/