Mustafa: Sot zyrtarisht po e fillojmë marrëveshjen e MSA’së

Hynë fuqi marrëveshja më e rëndësishme të cilën e ka arritur deri më tani shteti i Kosovës, që është ajo e Stabilizim Asociimit (MSA), e lidhur me Bashkimin Evropian.Përmes kësaj marrëveshje, Kosova dhe BE-ja themeluan marrëdhënie formale dhe kontraktuale që sipas ministrit të Integrimit Evropian, Bekim Çollaku, hyrja e saj në fuqi trason rrugën e vetme dhe të pakthyeshme të Kosovës drejt anëtarësimit në Bashkim Evropian.

Lulzim Rafuna, drejtor i doganës ka thënë se sot në këtë ditë po shënojnë një fillim të ri të implementimit të MSA-së.

“Nga sot dogana kalon në një nivel më të lartë sepse dogana do të jetë në bashkëpunim me 28 administrata të Bashkimit Evropian”, ka thënë Rafuna.

Ndërkaq, kryeministri i vendit Isa Mustafa tha se në shtetin e Kosovës po fillon një kapitull i zhvillimit politik dhe social.

“Ne sot zyrtarisht po fillojmë marrëveshjen e MSA-së. Kosova po vë gurthemelin e bashkëpunimit me Bashkimin Evropian”, tha Mustafa./zëri/