Musliu: Marrëveshja negative

Preshevë – Marrëveshja e Brukselit, për normalizimin e marrëdhënieve ndërmjet Kosovës dhe Serbisë, ka nxitur reagimin e Lëvizjes së Progresit Demokratik dhe të liderit të saj Jonuz Musliu.

“Nënshkrimi i Marrëveshjes nga dy kryeministrat Thaçi-Daçiq, nuk do të thotë edhe shuarje testrukturave paralele në veri të Kosovës. Përkundrazi, këto struktura me këtë Marrëveshje legalizohen dhe pajisen me kompetenca ekzekutive, të mbështetura nga Prishtina, Beogradi dhe ndërkombëtarët. Efektet negative të kësaj Marrëveshje do të shihen më vonë, jo më larg se në qershor kur Serbia do të fillojë bisedimet për anëtarësimin në BE e Kosova do të vazhdojë me të njëjtat probleme rreth veriut dhe mosimplementimit të marrëveshjes”, thuhet në reagimin e LPD.