Mot i butë e kryesisht me diell sot, temperaturat deri në 15 gradë
RajoniPress
07:15, 28 Janar, 2025
| 4 muaj më parë
Mot i butë parashihet të mbretëroj edhe ditën e martë në vend. Do të ketë intervale më të gjata me diell, ndërkohë që kalojnë vransira kohëpaskohe.
Orëve të mëngjesit ultësirave paraqiten kushte për mjegull, që shpërndahet deri në mesditë. Temperaturat minimale 1C deri 4C, e ato maksimale sërish shkojnë deri në 13C e 15C.
Frynë erëra të lehta dhe mesatare jugore e jugperëndimore 4-9m/s.
Më shumë vransira përfshinë vendin ditën e mërkurë dhe të enjtë, ku shfaqen kushte për të reshura shiu kohëpaskohe.
Nga dita e premtë më shumë diell, por dhe mundësi që ultësirave të ketë mjegull mëngjesore.
Temperaturat mbeten të larta për këtë periudhë kohore, me maksimale që luhaten nga 10C deri 13C, ndërkaq ato minimale 2C deri 5C, njofton Mendimi për Motin.
