Mosmarrëveshja verbale shndërrohet në konfrontim fizik, arrestohen dy shqiptar

Gjilan – Policia e Kosovës në Novobërdë është njoftuar për një incident që ka ndodhë në lagjen “Kolonia e re”. Njësitet policore kanë dalë në vendin e ngjarjes dhe nga hetimet e para mësohet se dy të dyshuarit shqiptar shtetas të Kosovës me banim në këtë lagje pas një mosmarrëveshje fillimisht verbale, më pas janë konfrontuar edhe fizikisht, ku dyshohet se njëri nga të dyshuarit nga dora ia merr revolen të dyshuarit tjetër dhe gjatë kacafytjes i shkakton edhe lëndime trupore.

Arma e llojit Zastava kalibër 6.35 mm është konfiskuar Dy të dyshuarit e involvuar në incident janë arrestuar nga policia e Kosovës.

Ata janë intervistuar në prani të avokatëve mbrojtës dhe me urdhër të prokurorit të shtetit, të njëjtit janë ndalur në mbajtje për 48 orë. Rasti procedohet në Prokurorin themelore ka njoftuar Ismet Hashani./rajonipress/