Modernizohet infrastruktura e fshatit Pogragjë

Gjilan – Rreth 204 mijë euro janë investime në fshatin Pogragjë që po bëhen nga Komuna dhe Ministria e Pushtetit Lokal. Këto investime kanë shkuar në ndriçimin e fshatit, rregullimin e trotuarit dhe kompletë asfaltimin e rrugës 1.8 km që pritet të kryhet pas festës së Bajramit thotë mbikëqyrësi Flamur Sejdiu.

Fshati Pogragjë po ndryshon çdo ditë e më shumë dhe krejt kjo falë investimit prej 204 mijë eurove dedikuar rregullimit të infrastrukturës.

Flamur Sejdiu mbikëqyrës i kompanisë “ELBAU” e cila edhe është fituese e këtij projekti tha se aktualisht janë në mbyllje të punimeve të ndriçimit publik, trotuarit dhe asfaltimit komplet të rrugës 1.8 km e gjatë. “Besoj që pas festës së Bajramit do të asfaltohet komplet rruga” u shpreh Sejdiu./rajonipress/