Mirëpritet vendimi për zhbllokimin e “Trepçës”

U kërkua me ngulm që gjiganti metalurgjik “Trepça”, të hiqet nga menaxhimi i Agjencisë Kosovare të Privatizimit. Kjo e fundit është thënë se po i bllokon investimet në këtë ndërmarrje.

Ishte kreu i AKR-së, Behgjet Pacolli i cili që nga hyrja në qeveri e kishte dhënë ketë ide e cila ka hasur në mirëkuptim të ekzekutivit kosovar. Ai vazhdimisht e ka shtyrë idenë për të mos e privatizuar pjesën më të pasur të Kosovës duke thënë se kjo ndërmarrje nuk duhet as të jepet me koncesion.

’Trepça’ nuk duhet të shitet. ‘Trepça’ nuk duhet të jepet me koncesion”, pati thënë Pacolli duke kërkuar që kjo pasuri duhet të mbetet pronë shoqërore e Kosovës. “Duhet ‘Trepçës’ t’i rezervohet vendi ku e ka dhe të bëhet kompani publike dhe të trajtohet në mënyrë biznesore”.

E tani që fati i “Trepçës” do t’i kalojë në dorë Kuvendit të Kosovës, pritet t’u hapet rrugë investimeve në të…(Tribuna)

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).