Ministri Bejtush Gashi, model i punës profesionale dhe larg luksit qeveritar

Gjilan – Edhe pse erdhi në krye të Ministrisë së Punëve të Brendshme të këtij resori shumë delikat, Bejtush Gashi pothuajse nuk e ka ndryshuar për asnjë sekond agjendën e tij. Gashi sërish shëtit lirshëm dhe pa truproje, komunikon dhe kontakton me të gjithë, u shkruan miqve e njerëzve që e kërkojnë. Thjeshtë Bejtush Gashi duhet të merret si model edhe për ministrat e tjerë sepse është komod, i thjeshtë në paraqitje, por shumë i fortë në prezantimet profesionale dhe në punën që e kryen. Është larg luksit qeveritar dhe madje larg luksit që ndoshta bëjnë vartësit e tij. Bejtush Gashi në kohën e duhur dhe në vendin e duhur meriton respekt e përkrahje nga të gjithë.

Të shtunën erdhi në Gjilan dhe mori pjesë në një konferencë shkencore rajonale. Zakonisht qytetarët janë mësuar të shohin qeveritarët e ministrat teksa vijnë me zhurmë dhe me shpejtësi marramendëse, por kjo nuk ndodh tek ministri Bejtush Gashi. Edhe pse sektori që ai drejton është shumë delikat, Bejtush Gashi ashtu i qetë përshëndetet me të gjithë dhe ruan brenda tij sedrën e akademikut sepse është rritur në një ambient të tillë.

Bejtush Gashin andaj e përshëndesin të gjithë sepse edhe i përshëndet të gjithë. Është i thjeshtë në publik, por i fuqishëm në prezantimet e tija profesionale dhe sidomos të fushës së tij të sigurisë, ku edhe është i specializuar dhe i trajnuar.

Ndoshta kjo qeveri dhe të gjitha qeveritë e pas luftës, duhet ta marrin si model punën e Bejtush Gashit. Ai edhe pas marrjes së postit ka mbetur i njëjtë, ecjet në natyrë, paraqitjet në rrjetet sociale, kontaktet dhe raportet i ka të njëjta. Tek ai nuk vije në shprehje mendjemadhësia ose injorimi për të komunikuar.

Thjeshtësia e tij në publik dhe bashkëbisedimi i hapur që po bënë çdo ditë ja ë arma më fuqishme e tij. Bejtush Gashi është ministri i parë zyrtar i Qeverisë së Kosovës që ka takuar banorët e brezit kufitar në Karaqevë, derisa shumë ministra e zyrtar të lartë që kanë prejardhje nga Anamorava nuk e kanë bërë një veprim të tillë.

Mbi të gjitha ai është larg luksit qeveritar dhe larg shpenzimeve që ndoshta bëjnë vartësit e tij. Atëherë pse të mos merret si model tipi i Bejtush Gashit. Profesionisti kudo që shkon dhe kudo që ndodhet e ka vetëm një synim, ta kryej punën me ndërgjegje profesionale dhe të arsyetojë gjithë mundin që ka bërë shoqëria tek ai. /rajonipress/

Biografia e Bejtush Gashit

Bejtush Gashi është lindur në 27 korrik të vitit 1957, në qytetin e Prishtinës.
Zotëri Gashi ka kryer studimet themelorë në Universitetin e Beogradit, në vitet 1977-1983 dhe ka magjistruar në Fakultetin e Shkencave Politike të Universitetin e Zagrebit, në vitet 1986-1989. Në vitet 2003-2005 ka kryer studimet për tezën e doktoraturës në Akademinë e Mbrojtjes “Spiro Moisiu”, në Tiranë.
Për shumë vite, mban titullin Prof. Ass. Dr. në fushën e studimeve të sigurisë dhe të mbrojtjes.
Pas përfundimit të studimeve, ai ka shërbyer në detyra të ndryshme:
2001-2006 – Drejtues i lartë i Planifikimit të Emergjencave në Departsmentin e Sigurisë Civile dhe të Gatishmërisë Emergjente.

2006-2007 – Drejtor i Departamentit të Politikave të Sigurisë së Brendshme të Ministrisë së Punëve të Brendshme
2007 – 2011 – Drejtor i Institutit për Studime të Sigurisë dhe Integrimeve në kompleksin “Katana” të Obiliqit
2011-2014 – Zëvendës Ministër i Ministrisë së Forcës së Sigurisë së Kosovës.
2014-2018 – Dekan i Fakultetit të Sigurisë Publike të Akademisë së Kosovës për Siguri Publike.
2018 – Ministër i Punëve të Brendshme të Kosovës
Zotëri Gashi ka dhënë ndihmesën e tij në hartimin e shumë dokumenteve të rëndësishëm strategjikë të Republikës së Kosovës me detyra të ndryshme:
Kryetar i Grupit të Punës për hartimin e Strategjisë së Sistemit të Menaxhimit të Krizave [2005-06],
Anëtar i Grupit të Punës për Zhvillimin e Forcës së Sigurisë së Kosovës [2006],
Anëtar i Grupit të Punës për hartimin e Strategjisë Kombëtare të Sistemit të Sigurisë të Kosovës [2009-10],
Anëtar i Grupit të Punës për hartimin e dokumentit “Rishikimi Strategjik i Sektorit të Sigurisë të Kosovës” [2011-13].
As. Prof Gashi ka dhënë një ndihmesë të shquar për një kohë të gjatë edhe në fushën e studimeve akademikë dhe të mësimdhënies universitare për çështjet e sigurisë dhe të mbrojtjes.
Ka qenë pjesëmarrës dhe folës në shumë konferenca shkencore ndërkombëtare të zhvilluara si në Kosovë ashtu edhe jashtë saj.

Është autor i shumë punimeve shkencorë në fushën e sigurisë, të mbrojtjes, të luftës kundër terrorizmit dhe të emergjencave civile të cilët janë botuar në revistat të Kosovës dhe revista ndërkombëtare.
Zotëri Gashi është bashkautor i katër librave universitarë, “Sistemi i menaxhimit të krizave” [2012], “Roli dhe përgjegjësitë e Policisë në sistemin e Sigurisë së Brendshme në Kosovë” [20012], “Konfliktet ndërkombëtare dhe ndëretnike” [2008] dhe ”Ushtria jugosllave dhe prania e saj në Kosovë në periudhën 1945 – 1990” [2006].
Është një ndër bashkëthemeluesit dhe drejtues për shumë vite i organizatës joqeveritare mbi çështjet e NATO-s dhe të sigurisë me emrin “Asociacioni Euroatlantik i Kosovës” që prej vitit 2003 si edhe është një prej drejtuesve kryesorë të veprimtarive të tij të shumta.
Është i martuar me Zonjën Ajna dhe ka katër fëmijë, Diellëzën, Vlerën, Besianin dhe Besën.