Migrimi, goditje e rëndë për liberalizimin e vizave

Anëtari i Kryesisë së Lidhjes Demokratike të Kosovës, Lutfi Haziri ka vlerësuar se fluksi i madh i migrimit ilegal ka qenë goditja më e rëndë për procesin e liberalizimit të vizave.

Ai ka thënë për ‘Epokën e re’ se migrimi i detyron qeverinë dhe ministrat Hyseni e Çollaku të punojnë 24 orë në ditë dhe shtatë ditë në javë.

Sipas Hazirit, tashmë duhet një ofensivë e fuqishme diplomatike për të shpjeguar se Kosova dhe qytetarët e saj nuk mund të jetojnë të izoluar.

Ai ka thënë se kabineti qeveritar është duke funksionuar mirë dhe se emërimi i zëvendësministrave nuk është çështje urgjente. /Telegrafi/