Merovci: E pamundur të ketë reformë të mirëfilltë zgjedhore

Eksperti i zgjedhjeve, Adnan Merovci mendon se nëse do të organizohen zgjedhjet e parakohshme, do të jetë e pamundur që ato të mbahen sipas rregullave të një reforme të mirëfilltë zgjedhore.

Sipas tij, mund të ketë një reformë të brishtë zgjedhore e cila mund të kryhet në shkurt apo mars, që rrjedhimisht të mund të ketë zgjedhje të parakohshme gjashtë muaj më pas.

Në një intervistë për Radio Kosovën, sa i përket vendeve të rezervuara për minoritete, Merovci tha se kjo është çështje kushtetuese dhe me Kushtetutë, kjo është çështje e mbyllur.

“Për të vazhduar mandatin e vendeve të rezervuara duhet një marrëveshje e re politike dhe ndryshime kushtetuese, por këtu ka një rol të rëndësishëm edhe faktori ndërkombëtar”, tha ai. /Telegrafi/