Mavraj ndahet me Gruether Furthin

Qendërmbrojtësi i Kombëtares së Shqipërisë, Mërgim Mavraj, do të ndahet me skuadrën gjermane, Gruether Furth. Lajmin për ‘divorcin’ ndërmjet tij edhe klubit gjerman e ka bërë të ditur vetë lojtari i cili ka deklaruar se ka ardhur koha për një hap përpara në karrierën e tij.

“Sipas të gjitha gjasave nuk do të luaj më për Gruether Furthin. Fillimisht do të ulem të bisedoj me drejtuesit e skuadrës për kontratën time, por gjasat më të mëdha janë që unë të largohem në këtu. Ka ardhur koha për të bërë një hap përpara në karrierën time. Kam oferta nga shtatë apo tetë klube dhe mesi i korrikut do tua mësoj klubin tim të ri”, ka thënë mbrojtësi shqiptar.