Marrin lëvdata për shërbimet e ofruara

Gjilan – Derisa në komunat tjera të Kosovës pas instalimit të programit të ri të Gjendjes Civile dhe azhurimeve të bëra në rrjetin e brendshëm komunal (intranet) përballeshin me probleme të natyrave të ndryshme, në Kamenicë këto probleme u evituan që në ditën e dytë të përdorimit të tyre dhe kjo erdhi si rezultat i angazhimeve dhe punës së palodhshme të stafit të kësaj qendre të udhëhequr nga drejtori Enver Ajvazi.

Angazhimi i përbashkët dhe koordinimi i mirë i punëve në Qendrën për Shërbime të Qytetarëve në Komunën e Kamenicës ka bërë dhe po bënë që kjo qendër të jetë shembull jo vetëm në komunën e Kamenicës , por thuajse në gjithë Kosovën.

Derisa në komunat tjera të Kosovës pas instalimit të programit të ri të Gjendjes Civile dhe azhurimeve të bëra në rrjetin e brendshëm komunal (intranet) përballeshin me probleme të natyrave të ndryshme, në Kamenicë këto probleme u evituan që në ditën e dytë të përdorimit të tyre dhe kjo erdhi si rezultat i angazhimeve dhe punës së palodhshme të stafit të kësaj qendre të udhëhequr nga drejtori Enver Ajvazi.

Dëshmi e punës së mirë, të shpejtë dhe efikase janë urimet dhe lëvdatat e pranuara nga qytetarë të shumtë përmes postës elektronike apo përmes sms-sëve lëvdata këto të cilat edhe më tutje do ta motivojnë dhe shtynë përpara angazhimin edhe më të madh të kësaj qendre thonë zyrtarët komunal.

“Jemi në prag të pushimeve verore, pritet një fluks i shtuar i qytetarëve të komunës tonë dhe më gjerë, sidomos presim qytetarë të shumtë nga diaspora, prandaj, ne jemi të gatshëm si nga ana teknike ashtu edhe me staf me përvojë që sa më mirë, shpejtë dhe me një përkushtim të shtuar t’u japim shërbime sa më cilësore. Unë nuk kam dyshim fare se ju nuk do ta bëni këtë, sepse këtë trend të punës që e kemi arritur do ta mbajmë edhe më tutje që shërbimet ndaj qytetarëve të jenë sa më cilësore. Më vjen mirë dhe krenohem me ju kur shoh dhe lexoj urimet më të mira nga qytetarët” është shprehur drejtori i Administratës së Përgjithshme Enver Ajvazi./rajonipress/