Mandati i EULEX-it prek 10 ligje

Ndryshimet në mision do të kërkojnë amdandamentimin e dhjetë ligjeve dhe tri kodeve. Janë dhjetë ligje dhe tri kode që do t’i nënshtrohen amandamentimit përnjëherësh me vendimin e Kuvendit që do ta ratifikojë marrëveshjen për misionin e ri eruopian për sundim të ligjit në Kosovë. Amendamentet tashmë janë bërë gati – shkruan Koha Ditore.

Ligjet që do të pësojnë ndryshime rregullojnë sfera të ndryshme, veçmas ato që ndërlidhen me fushat ku ka kompetenca ekzekutive EULEX-i.

Do të amandametohen: Ligji për përzgjedhjen e lëndëve dhe caktimin e lëndëve të gjyqtarëve dhe prokurorëve të EULEX-it në Kosovë; Ligji për Prokurorinë Speciale; Ligji për Departamentin e Mjekësisë Ligjore; Ligji për statusin, imunitetet dhe privilegjet e misioneve diplomatike, konsullore dhe personelin e Kosovës dhe praninë ndërkombëtare ushtarake, si dhe personelin e saj; Ligji për Dhomën e Posaçme të Gjykatës Supreme të Kosovës për çështjet në lidhje me Agjencinë Kosovare të Privatizimit; Ligji për mbrojtjen e dëshmitarëve; Ligji për parandalimin e shpëlarjes së parave dhe financimit të terrorizmit; Ligji për mallrat e liruara nga tatimi doganor; Ligji për tatimin në pronën e paluajtshme si dhe Ligji për tatimin në të ardhurat personale.

Do të amandamentohen edhe Kodi Doganor dhe ai i Akcizave, Kodi Penal i Republikës së Kosovës si dhe Kodi i Procedurës Penale të Kosovës.