Maliqi: Për vite me radhë, ky kryetar nuk ka sjellë punë konkrete, dhe qytetarët nuk do të mashtrohen më nga justifikimet e tij

Gjilan – Ky dokument i prokurimit është pasqyra më e mirë e dështimeve të këtij kryetari. Nuk di të ketë ndonjë projekt që ai ka prezantuar, ka nisur procedurat e prokurimit dhe që nuk i është anuluar nga zyra përkatëse thotë Latif Maliqi këshilltar nga LDK-ja.

Reagimi i plotë:

Dështimet e një pas njëshme të një kryetari të viktimizuar. Kjo është thjesht një maketë e kryetarit Alban Hyseni, e prezantuar me synimin për të mashtruar qytetarët e komunës sonë.

Pikërisht për këtë e kam pasur fjalën në një intervistë, kur thashë se shpresoj që projekti i Bulevardit të mos ketë fatin e stadiumit. Përpjekja për të mashtruar qytetarët në vitin e fundit të qeverisjes nuk kalon më, sepse ata nuk besojnë më në maketa dhe prezantime 3D të projekteve për komunën tonë.

Qytetarët e Gjilanit do t’ia tregojnë vendin këtij kryetari në zgjedhjet lokale me votë, duke i dhënë një mesazh të qartë se nuk i durojnë më këto mashtrime.

Ky dokument i prokurimit është pasqyra më e mirë e dështimeve të këtij kryetari. Nuk di të ketë ndonjë projekt që ai ka prezantuar, ka nisur procedurat e prokurimit dhe që nuk i është anuluar nga zyra përkatëse.

Kjo tregon ose mungesën e aftësisë për të ndjekur një projekt deri në fund, ose probleme serioze me procedurat.

Duke u përpjekur të paraqitet si viktimë dhe të justifikohet me opozitën, e cila sipas tij nuk e votoi ose e hoqi projektin e Bulevardit nga buxheti, tashmë është e qartë se kjo strategji nuk funksionon më.

Për vite me radhë, ky kryetar nuk ka sjellë punë konkrete, dhe qytetarët nuk do të mashtrohen më nga justifikimet e tij./rajonipress/