Maliqi: Asociacioni e Ushtria po e kushtëzojnë njëra-tjetrën

Serbët edhe më tej vazhdojnë të tregohen kokëfortë kur bëhet fjalë për Asociacionin e Komunave Serbe në Kosovë. Sipas Listës Serbe, AKS-ja vetëm se do të ofronte stabilitet dhe bashkëjetesë midis minoriteteve në vend.

Presioni i tyre i vazhdueshëm për të arritur në këtë pikë, duket të jetë sfidë edhe për Qeverinë e Kosovës.

Njohësi i çështjeve politike në vend, Shkëlzen Maliqi thotë se institucionet kosovare nuk duhet të ngutet sa i përket formimit të AKS-së. Sipas tij, krijimi i Ushtrisë së Kosovës dhe Asosacioni i Komunave Serbe po e kushtëzojnë njëra-tjetrën.

“Është çështje komplekse sado të lidhura që janë rreth vazhdimit të dialogut i cili ka ngecur qe sa kohë dhe nuk është duke vazhduar, nuk është puna vetëm tek asosacioni por duhet të definohet më qartë vazhdimi i dialogut dhe se ka edhe tema tjera që lidhen me këtë. Si për shembul Lista Serbe ta përkrahë krijimin e Ushtrisë së Kosovës, dhe mendojë se këto dy gjëta njëra-tjetën po e kushtëzojnë. Poashtu ka edhe një lloj hezitimi të paqartë në Bruksel i cili po ngul këmbë që të vazhdohet dialogu dhe nuk ka sqarime në publik për këto që po ndodh”, ka thënë ai në një bisedë për Indeksonline.

Maliqi konsideron se presioni për këto dy çështje kanë bërë që të krijohet bllokadë, andaj edhe nuk duhet ngutur.

“Ata bëjnë presion, Kosova bënë presion për Ushtrinë dhe këtu kemi mbët në një farë bllokade dhe nuk është se duhet të ngutet me këtë. Ne e dimë vendimin e Gjykatës Kushtetuese, mirë mund të punohet që rekomandimet e Gjykatës rreth asosacionit që janë shumë vërejtje të bëhen një dokument i aplikueshëm, të sqarohet se asosacioni nuk do të ketë kurrfarë pushteti të vetin, por do të ketë një lloj kordinimi mes faktorit serb të Kosovës pa fuqi ekzekutive”, ka theksuar ai më tej.

Ndryshe, institucionet e Kosovës po refuzojnë edhe më tej ta formojnë AKS-në, edhe pse ky është detyrim sipas marrëveshjes së Brukselit./Indeksonline/