Makolli: Mërgimtarët po shantazhohen

Ministri i Diasporës Ibrahim Makolli thotë se nuk ka rënie të interesimit të mërgimtarëve për të investuar në Kosovë pavarësisht se ata hasin në pengesa nga më të ndryshimet, duke filluar nga shantazhet, nga njerëzit që janë mbi ligjin e deri tek ambienti i papërshtatshëm ligjor.

“Investitorët nga mërgata që vijnë të investojnë në Kosovë po pengohen prej individëve nga se shihet e kanë fuqinë më të madhe sesa shteti. Këta kanë qenë dhe vazhdojnë të jenë prej pengesave të mëdha megjithatë ka pasur progres në funksionimin e shtetit ligjorë. Por me keqardhje po e them që ka disa raste në të cilat mërgimtarët tanë ose investitorët, ose janë mashtruar ose me pengesa të individëve të caktuar të cilët në një formë ose tjetër, e kanë një fuqi dhe e bëjnë të pamundur realizimin e objektiva të tyre”, deklarohet Ibrahim Makolli. /Bota Sot/