LVV nderon veteranët e arsimit në Gjilan

Gjilan – Lëvizja Vetëvendosje! qendra në Gjilan, për nderë të 7 Marsit-Dita e Mësuesit, tashmë tradicionalisht ka nderuar veteranët e arsimit dhe mësimdhënësit e tërë komunës së Gjilanit, në një koktej rasti, duke çmuar kontributin e tyre në rrugëtimin e dhënë për përparimin dhe edukimin e shumë brezave të rinj, në kohët më të vështira të kombit tonë.

Ndërkaq në emër të Lëvizjes Vetëvendosje! Në Gjilan të pranishmit i ka përshëndet edhe profesori i Gjuhës dhe Letërsisë Shqiptare, Nevzat Isufi, njëherësh shef i Grupit të Këshilltarëve komunal nga ky subjekt, i cili më gjerësisht foli për rëndësinë e kësaj date.

Ndërsa Fehmi Sylejmani, anëtar i Komitetit të Arsimit në Gjilan dhe anëtar i KK, është falënderuar për pjesëmarrjen dhe për kontributin e dhënë të kësaj kategori shoqërore që kanë dhënë më dekada të tërë.

Ndërkaq një prerje të arsimit që nga paslufta e deri në ditët e sotme, në mënyrë kronologjike dhe mjaftë përmbledhëse e ka bërë, Sami Kurteshi, ish avokat i popullit dhe tashmë anëtar dhe aktivist i LVV.

Ndërkaq për brengat dhe hallet veteranëve të arsimit foli, Sali Hasani, kryetar i Shoqatës së Veterinave të Arsimit, një organizëm mjaftë mirë i organizuar dhe model i mirë për shumë instanca tjera relevante komunale e qendrore.

Në anën tjetër, me opinionet, qëndrimet dhe komentet e ndryshme në këtë takim kontribuuan edhe veteranët e arsimit të kësaj treve si: Maksut Maksuti, Aliriza Selmani, Sabri Tahiri, Hasan Matoshi, Jakup Berisha, Mësuesi Feriz nga Përlepnica, Sadik Klaiqi, Fetah Mushica, Asllan Gërbovci, Elez Muji etj./rajonipress/