Llapi siguron fitoren me autogolin e Baldes

Në javën e 29-të, të Superligës në futboll në stadiumin “Zahir Pajaziti” në Podujevë, Llapi ka arritur të shënon fitore duke e mposhtur Dritën me autogolin e Baldes në minutën e 11-të.

Kjo fitore për llapjanët është mjaft e rëndësishme pasiqë siguron pozitën e katërt e cila shpije në garat evropiane. Futbollistët e Dritës me atë se çka treguan gjatë 90 minutave me plot meritë e kanë merituar së paku një pike, por sulmuesit e saj nuk ishin në ditën e tyre.

Drita zë pozitën e tretë me 52 pikë. Në ndeshjen e javës së 30-të, Drita takohet me Malishevën në Gjilan. Drita e Llapi, gjithashtu do të ballafaqohen në finalen e Kupës së Kosovës./rajonipress/