Lirohet nga burgu i Beogradit Selmon Sadiki nga Rainca e Preshevës

Bujanoc – Është liruar sot nga burgu i Beogradit Selmon Sadiki nga fshati Raincë komuna e Preshevës i cili ishte dënuar me 12 vjet burgim për krime ndaj civilëve, gjatë luftës në Kosovë.Edhe pse pala mbrojtëse shumë herë kishte argumentuar pafajësinë e Sadikut, gjykata në fund duke u bazuar në dëshmitarë të cilët për palën mbrojtëse janë quajtur procese të montuara, i dënojë shqiptarët ndër të edhe Sadikun.

Familjarë, shokë dhe dashamirë të shumtë sot kishin dalur për ta përshëndetur Selmonin i cili në orët e mesditës arriti pranë gjirit familjar, transmeton Bujanoci.net.

Gjykata në Beograd i kishte dënuar, anëtarë të të ashtuquajturit Grupi i Gjilanit me një total prej 116 vitesh burgim.

Agush Memishi u dënua me 12 vjet burgim, Samet Hajdari me 15, Nazif Hasani dhe Ahmet Hasani me nga 13 vjet burgim secili.

Burim Fazliu dhe Selimon Sadiki me 12 vjet burgim, Faton Hajdari me 10, Ferat Hajdari, Kamber Sahiti dhe Sadik Aliu me nga tetë vjet secili, ndërsa Shefqet Musliu në mungesë është dënuar me pesë vjet burgim.