Limaj: Nuk mund të ketë paqe të vërtetë duke mbajtur në pranga ata që sollën lirinë

Fatmir Limaj ka reaguar pas protestës së mbajtur në Kosovë, duke theksuar se qytetarët u mblodhën për të shprehur mbështetje për ish-pjesëtarët e Ushtria Çlirimtare e Kosovës (UÇK).

Ai deklaroi se protesta ishte një mesazh i qartë se “çlirimtarët nuk janë vetëm” dhe se lufta e UÇK-së ishte e drejtë dhe çlirimtare. Sipas tij, mbajtja në paraburgim e ish-luftëtarëve përbën padrejtësi dhe dëmton të vërtetën historike të Kosovës.

Limaj theksoi se sakrifica për lirinë e vendit nuk duhet të njolloset dhe bëri thirrje për “drejtësi, jo politikë”.

Sot, në sheshet e Kosovës, u mblodh zëri i popullit që nuk harron dhe nuk dorëzohet.
Sot, nga zemra e popullit, u dërgua mesazhi se çlirimtarët nuk janë vetëm, prapa tyre qëndron një komb i tërë.
Sot u tha qartë se lufta e UÇK-së ishte e pastër, e drejtë dhe çlirimtare andaj kjo protestë nuk ishte vetëm tubim, ishte betim se sakrifica e luftës nuk mund të njolloset dhe as të harrohet.
Nuk mund të ketë paqe të vërtetë duke mbajtur në pranga ata që sollën lirinë.
Çdo ditë që ata mbahen larg familjeve dhe atdheut është padrejtësi ndaj historisë sonë dhe ndaj vetë së vërtetës.
Kosova lindi nga sakrifica, dhe sakrifica nuk gjykohet si krim.
DREJTËSI, JO POLITIKË!