Limaj: Nga sot po ia nisim me alternativë të re politike

Në Sallën e Kuqe të Pallatit të Rinisë në Prishtinë është bërë hapja zyrtare e Nismës për Kosovën, subjekti më i ri politik në Kosovë, i themeluar nga tashmë dy ish-anëtarë të PDK-së, Jakup Krasniqi dhe Fatmir Limaj.

Zyrtarisht, Limaj është emëruar Kryetar i Kryesisë së Nismës për Kosovën.

Jakup Krasniqi, Kryetar i Këshillit Kombëtar të partisë së re, në fjalimin e tij para shumë të pranishmëve, ka thënë se Nisma do ta forcojë shtetin e Kosovës.

“Ne do t’ia hapim vendit tonë rrugën e integrimeve evropiane”, ka thënë Krasniqi, duke i ftuar qytetarët që t’i bashkohen subjektit të porsa formuar politik.

Krasniqi në vijim ka lexuar programin e partisë së re, ku ka theksuar çështjet më të ndjeshme të vendit tonë, nga të zhdukurit e luftës së fundit, e deri tek problemet ekonomike, arsimore e shëndetësore.

Pas tij, në podium doli edhe kryetari i Nismës, Fatmir Limaj, i cili u prit me ovacione e duartrokitje të gjata nga të pranishmit.

“Nga sot po ia nisim”, tha në fillim të fjalimit të tij, kryetari Limaj.

“Kosova nga sot do të ketë një alternativë të re politike”, ka theksuar më tej Limaj, duke falënderuar të gjithë kontribuuesit për ndërtimin e Nismës për Kosovën./koha.net/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).