Limaj: Kosova udhëhiqet nga mashtruesit e gënjeshtarët

Kryetari i NISMA’s për Kosovën, Fatmir Limaj, ka thënë se kur u themelua partia e tij, Kosovës i mungonte një alternativë për njerëzit e pambrojtur. Ndërsa, ka thënë se aktualisht, pushteti është duke ndërtuar politika shantazhuese për të gjithë ata që nuk pajtohen me ta.

“Kosova vazhdon të qeveriset nga një regjim mashtrues e gënjeshtar. Kanë premtuar 200 mijë vende pune. Pyetni sa vende pune janë hapur. Sot qeverisë një regjim që ka premtuar një shëndetesi e arsim ndryshe. Por, cila është gjendja”, ka shtuar ai.

“Ne nuk e dëshirojmë një Kosovë të shantazhuar. Jo një Kosovë ku rinia kushtëzohet për të shërbyer”, ka deklaruar Limaj.

Në Kuvendin e Parë Zgjedhor të Rinisë së NISMA për Kosovën, Limaj ka thënë se ndryshimi i gjendjes në Kosovë kërkon vendosmëri dhe guxim, shkruan Gazeta Express,

“Ju rini nuk keni pranuar të shatazhoheni. S’keni pranuar të mashtroheni. Ky mentalitet duhet të zgjerohet në tërë Kosovën. Shumë moshatarë tuaj pushtetarët i mashtrojnë”, ka thënë Limaj.

“Kur u themelua NISMA Kosovës i mungonte një alternativë politike për shtresat e vendit tonë që janë të pambrojtura”, ka deklaruar Limaj.