Libri i vogël me përmbajtje të madhe, “Pak Filozofi”, ribotohet i pasuruar nga Arben Kurteshi

Gjilan – Në dritën e mendimit të kthjellët, autori flet si poet e mendimtar. Me ribotimin e pasuruar të librit “Pak filozofi”, hap shtigje të reja në shtegun drejt arritjeve të reja shqiptare. Arben Kurteshi ka një stil të veçantë të të shkruarit poezi, është i qartë, i kuptueshëm, i thjeshtë, i afër me lexuesin, i dashur për publikun dhe i kuptueshëm për të gjitha kategoritë.

Arben Kurteshi të shkruarit poezi e ka hobi dhe dhunti të lindur nga zoti. Ai shkruan orë e qastë, shkruan aty për aty dhe trajton temat aktuale që lidhen nga përditshmëria.

Janë të pakët ata poet që mund të kenë një dhunti çfarë posedon Arben Kurteshi. Si mërgimtarë me një moshë tepër të re ai mishërohet me poezitë mallëngjyese nga kurbeti duke vazhduar tutje dhe duke e avancuar nivelin e poezisë edhe në motive tjera.

Talenti dhe pasioni i madh që ka për poezinë dhe së fundit edhe për tregimin e radhisin Arben Kurteshin ndër poetët më të spikatur dhe më atraktiv në krijimtarinë gjithë shqiptare.

Në dritën e mendimit të kthjellët, autori flet si poet e mendimtar. Me ribotimin e pasuruar të librit “Pak filozofi”, hap shtigje të reja në shtegun drejt arritjeve të reja shqiptare.

Nga nëna tek kombi, nga liria tek ekonomia, fjalët lidhin përvojën me mençurinë. Ai e sheh Kosovën me sy të përparimtarë, duke e ndriçuar me shembuj nga bota e zhvilluar.

Një libër i vogël në trup, por i madh në thellësi e përmbajtje, shërben lexuesin me mendim dhe ndjesi.

Përkushtim, ideal e vizion, i urojmë autorit udhë të gjatë në rrugën e mendimit dhe prurje të reja./rajonipress/