LDK – Thaçit: Përmbushi kërkesat e pensionistëve, mos bëjë spektakle me arsimtarë

Gjilan – Lidhja Demokratike e Kosovës, Dega në Gjilan, solidarizohet me kërkesat e Sindikatës së Pensionistëve dhe Invalidëve të Punës së Gjilanit, të cilët sot protestuan para zyrës së kryetarit në largim të Komunës, në shenjë revolte ndaj neglizhimit kërkesave të tyre të kamotshme.

LDK konsideron se pensionistët janë kategoria që ka kontribuar shumë për këtë shoqëri. Gjendja e tyre sot është vërtet e mjerueshme dhe kërkesat e tyre vlerësojmë se janë legjitime. Ata meritojnë të bëjnë një jetë dinjitoze.

Lidhja Demokratike e Kosovës i kujton kryeministrit Hashim Thaçi dhe kryetarit në largim Qemajl Mustafa se është më mirë që t’ua plotësojnë kërkesat legjitime të pensionistëve, e jo të bëjë spektakle me arsimtarë nëpër darka me taksat e qytetarëve gjilanas thuhet në njoftimin e LDK-së në Gjilan./rajonipress/