Lideri i Lidhjes Demokratike të Kosovës, Isa Mustafa edhe zyrtarisht ka marrë “vizën” e Këshillit Drejtues të partisë që të kandidojë për kryeministër të Kosovës në zgjedhjet e ardhshme nacionale, që pritet të mbahen së shpejti në Kosovë.
Me 99 vota PËR dhe me votën e Fatmira Sejdiut kundër, që ky i fundit vlerëson se LDK-ja ka njerëz edhe më të mirë se Mustafa për ta kandiduar si kryeministër, ai tashmë është zyrtarisht kandidatë.
Mustafa falënderoi këshillin e partisë që ia besuan kandidaturën për Kryeminsitër.
“Isa Mustafa u nominua për kryeministër të Kosovës nga Këshilli i Përgjithshëm i LDK-së. Sot nisëm rrugën për fitoren. Në qershor, në krye të qeverisë është një akademik”, ka shkruar në rrjetin social Facebook, nënkryetari i LDK-së, Avdullah Hoti. /Telegrafi/
