Kuvendi i Kamenicës jep leje për shitjen e xhipit, Sinani dëshiron veturë komode

Kamenicë – Kuvendi Komunal ka marrë vendim të premten për shitjen e xhipit “Hyundai”, i blerë nga ish kryetari i Kamenicës Shaip Surdulli në vitin 2010 në vlerë 38 mijë e 700 euro. Unë do të mendoj për një makinë komode që i kryen disa shërbime deri në Prishtinë sepse nuk jam njeri i luksit ka thënë kreu i Komunës së Kamenicës Begzad Sinani.

Zyra për menaxhimin e pasurisë komunale, ka thënë se zhvlerësimi i veturës për tri vite është afro 17 mijë euro. Sipas kësaj zyreje, për riparimin dhe mirëmbajtjen e “xhipit” janë shpenzuar 4 mijë e 500 euro, për derivate 30 mijë euro gjatë tri viteve, raporton rajonipress.

Kryetari i komunës, Begzad Sinani, tha se nuk e ka komoditetin të ketë një veturë që harxhon shumë dhe ka kosto të lartë për mirëmbajtje dhe shpenzime të larta. “Kërkesat e qytetarëve janë të mëdha dhe është mirë të mendojmë më shumë për kategoritë sociale dhe t`iu dalim në ndihmë atyre ose të ndihmojmë klubet sportive, si psh, Handikosin, por krejt kjo varet prej juve delegatëve se ku do të destinohen mjetet me shitjen e Xhipit” u ka thënë Sinani këshilltarëve të premten.

Sinani ka ironizuar duke thënë se “unë do të mendoj për një makinë komode që i kryen disa shërbime deri në Prishtinë sepse nuk jam njeri i luksit” ka thënë kreu i Komunës së Kamenicës./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).