Kushtet e opozitës: Anulim të marrëveshjeve dhe lirim të të burgosurve politikë

Liderët opozitar ia kanë paraqitur edhe me shkrim kërkesat e tyre presidentes, Atifete Jahjaga. Pas takimit me të, tre liderët opozitar kanë thënë se ata vazhdojnë të kërkojnë anulimin e dy marrëveshjeve dhe lirimin e të burgosurve politikë. “Presidentja me Kushtetutën ka rol uniteti dhe këtë duhet ta paraqes”, ka thënë Visar Ymeri i VV-së.

Ndërkohë, Ramush Haradinaj ka thënë se në këtë formë, me persekutim të opozitës nuk mund të vazhdohet sepse opozita është më e bashkuar se kurrë dhe kështu do të vazhdojë.

“Ne i kemi paraqitur kërkesat tona dhe zgjidhjet që është tërheqja e marrëveshjeve ose referendum për to. Nëse pushteti nuk është në gjendje ta bëjë këtë, atëherë të shpallen zgjedhjet”, ka thënë Haradinaj, raporton Koha.net

Edhe Fatmir Limaj nga Nisma për Kosovën ka deklaruar se opozita do të vazhdojë të jetë e përkushtuar në arritjen e qëllimeve të saj.

Nga Zyra e Presidentes ndërkaq kanë konfirmuar për KTV-në se Jahjaga nuk do t’i takoj së paku sot, liderët e PDK-së dhe LDK-së.