Kush janë heroinat e karatesë nga qyteti i Gjilanit të cilët fituan medaljen e bronzët?

Sporti i karatesë ka bërë krenar shtetin e Kosovës në Kampionatin Botëror të Karatesë, i cili është mbajtur në Budapest të Hungarisë për 7 ditë me radhë nga 23-29 tetor. Kombëtarja e Kosovës në kategorinë e femrave, kanë arritur për herë të parë në historikun e karatesë të Kosovës, të stolisen me medalje të bronzët në Kampionatin Botëror, duke e mposhtur Kombëtaren e Kazikistanit me rezultat unanim.

Në përbërjen e Kombëtares së Kosovës nga katër garueset, ishin tri nga qyteti i Gjilanit: Hatixhe Zejnullahu, Fortesa Orana e Vlera Qerimi, duke na bërë krenar jo vetëm shtetin e Kosovës por edhe qytetin e ekipet e tyre të karatesë, ndërsa garuesja e katër ishte Albulena Gërvalla nga Bardhoshi i Prishtinës.

Në përbërjen e Kombëtares së Kosovës ishin edhe dy trajner nga qyteti i Gjilanit, trajneri KK “AS” e Selektori U14 të Kosovës, Alban Beqiri, si dhe Shkëlzen Balaj trajner i KK “Agim Ramadani” nga Gjilani.

Karateistja Hatixhe Zejnullahu i takon KK “AS”, ndërsa Fortesa Orana e Vlera Qerimi KK “Fortesa”. Gjatë rrugëtimit të saj në Kampionatin Botëror të karatesë, ekipa nga Kosova, kishte punë mjaft të vështirë duke mposhtur Anglinë, Zvicrën e Francën, ndërsa për medalje të bronzet mposhtën edhe Kombëtaren e Kazakistanit, të vetmen humbje “Dardanet” e pësuan nga Kombëtarja e Japonisë me rezultat 2-1.

Qyteti i Gjilanit duhet të ndihet krenar me garueset e trajnerët që na bën krenar e na dhuruan emocione të veçanta duke valvitur flamurin shtetëror në piedestalin e medaljeve. Se a do t’ju bëhet pritje madhështore këtyre heroinave nga institucionet e nga qytetarët mbetet të shihet, por ato meritojnë një pritje spektakolare duke ju falënderuar që na bënë krenar në këtë Kampionat Botëror.

Redaksia e Rajonit Press, Kombëtares së Kosovës dhe vajzave gjilanase ju uron për këtë triumf të shumë pritur.