Kurti: Isha i gatshëm ta shkruajë draftin e Asociacionit, por nuk m’u lejua

Kryeministri i Kosovës, Albin Kurti, ka ripërsëritur qëndrimin e tij, se ka qenë i gatshëm që të shkruajë draftin e Asociacionit të Komunave me shumicë serbe por kjo, sipas tij, u refuzua nga ndërmjetësit, raporton Ekonomia Online.

“Më duhet të them se unë kam ofruar ta shkruajë draftin por aty jam refuzuar dhe më është thënë se këtë duhet ta bëjë ekipi menaxhues, i kryesuar nga deputetja e partisë së Vuçiqit e cila thur lavde për kryekriminelin serb Milan Radojçiq”.“Unë kam shprehur gatishmërinë ta shkruaj draft statutin, mirëpo në anën tjetër jam kryeministër i Republikës Demokratike dhe duke qenë kryeministër unë nuk formoj Asociacion, kjo duhet të bëhet nga komunat”, u shpreh Kurti.