Kujdes gjilanas, trotuaret janë të pa pastruara

Gjilan – Qytetarët e Gjilanit janë të zhgënjyer me nivelin e ulët të shërbimeve publike. Halit Azemi avokat thotë se shërbimet publike asnjëherë nuk kanë qenë në nivel kaq të ulët sesa tani. Komuna ka obligim ligjor me ju ofrue kushte qytetarëve të saj.

Trotuaret në qendër të qytetit të Gjilanit ditën e premte dhe të shtunën ende janë të papastruara nga bora. Ngricat e natës dhe bora që ra ka sjellur shumë telashe për qytetarët, e sidomos të moshuarit.

Halit Azemi avokat ndihet i zhgënjyer me nivelin e ulët të shërbimeve publike.”Shërbimet e dobëta publike janë pika më e dobët e qeverisjes së Lutfi Hazirit. Trotuaret duhet të pastrohen sepse komuna e ka obligim ligjor ta bëjë këtë në të kundërtën do të shohim qytetar të lënduar e dëmtuar nga akulli në trotuare” thotë Azemi.

Azemi kërkon nga Lutfi Haziri që të jetë në shërbim të qytetarëve dhe ta ndryshojë mentalitetin qeverisës sepse komuna është për qytetarin e jo për grupet e interesit.”Ne kemi drejtor me aktakuza për keqpërdorim të detyrës zyrtare, e si të presim diçka të hairit nga i njëjti drejtor” u shpreh Azemi./rajonipress/